有感而發

雖然話天下文章一大抄，但自己網上寫的海藻矽針有關發表比其他人係咁copy copy and copy…真係好唔開心。

有d仲要比人抄左一段跟著之後果d配上佢自己既說法，而果d理論又未經本身矽針藥廠肯定或臨床試驗，真係會累到信佢地既客人架。希望d人自律啦。

萬一有人真係買到d唔知來源既貨或有人只顧從中取利將只可專業用既貨賣出，我真係唔想睇新聞報導見到d咩衰野，又話美容業界亂為客人做療程或賣野比客人危害他人健康。

雖然有人覺得美容師唔係一個專業，只係一班讀唔成書既姐姐仔係美容院同客按下摩跟著夾住d客唔比人走係咁sell sell sell…但我自問我好尊重我既行業，我為我既專業讀好多相關國際認可，我要等國際評審話我ok我先為我既客人進行相關護理，我相信亦有好多美容師同我一樣尊重美容業，遵守規矩。我亦要我既店遵守規矩，唔會為客人進行不
合適佢既療程同係咁sell sell sell…

正因為我係一個尊重自己行業既美容師，我會先了解所有我為客人提供既產品同服務，所有我賣既產品同我提供既服務都經我自己親身試驗，同原廠研討療程風險、效果，什麼可以賣什麼只能留專業美容師做等等，我地都係有根有據的。並唔係一般拍賣，水貨店等賣完比客就算。或者佢地根本都唔了解自己賣緊既野，亦未必有美容專業既基本認知去了解。

我尊重各行各業，網拍同水貨店等等，佢地要用好多時間黎挑選入貨，而流程亦好艱辛先可帶到過黎香港或平台提供比客人。我未做美容時亦經營過網上拍賣。

但我而家提供同賣既矽針等等醫美類產品，都係直接同藥廠或藥業入貨的（他們都是正貨的第一手並且是最後一手），佢地都要求我地證明係專業美容院，實地上黎視察，要我地出示我地既專業證明，重要接受埋佢原廠既training先會出貨比我地。出貨之後亦有監管我地賣貨同療程做法、價錢等。

我想講，我只係一個問良心守規矩，乜野都要做足而且一定比藥廠要求做還要多既美容師。點解我收到各方既問題就係搵我既同d唔專業既比較，問我點解貴咁多?難道我攞正貨賣正價有罪嗎？落足料做療程只收廠商規管既最低價錢又唔可以嗎？人地冇牌，d貨唔知咩黎，賣平d就公道嗎？

Ronas冇得家用架，犯法架，我地同藥業簽訂合約的。亦冇辦法唔同呢間藥業攞貨，因為只有佢可同韓國製造商攞貨。與其問我做咩冇得賣，不如諗下人地果d貨點解可以賣？人地貨源點黎？係咪真係攞到？

Lipodermis廠商亦話唔會供貨比網上拍賣等唔專業人士。

如大家詢問有關貨源，我真係唔介意你地直接搵藥廠，問佢地肌研坊係咪佢地核准既美容院同分銷。係咪真係有我所講既規管。

有感而發，謝謝